ඊයේ පැවති 2025 කාන්තා එක්දින ක්රිකට් ලෝක කුසලානයේ අවසන් මහාතරගය දකුණු අප්රිකාව හමුවේ ලකුණු 52කින් ජයගත් ඉන්දීය කණ්ඩායම ප්රථම එක්දින ලෝක ශූරයන් බවට පත්වුණා.
මුලින් පන්දුවට පහරදුන් ඉන්දීය කණ්ඩායම සිය ඉනිමට කඩුලු 7ක් දැවී ලකුණු 298ක් ලබාගත්තා.
ශෆාලි වර්මා ලකුණු 87ක් ලබාගත් අතර දීප්ති ශර්මා ලකුණු 58ක් හා ස්ම්රිති මන්දනා ලකුණු 45ක් ලබාගත්තා.
පන්දු යැවීමේදී දකුණු අප්රිකානු කණ්ඩායමේ අයබොන්ගා කාකා කඩුලු 3ක් ලබාගත්තා.
පිලිතුරු ඉනිම ක්රීඩා කළ දකුණු අප්රිකානු කණ්ඩායම වෙනුවෙන් නායක ලෝරා වොල්වාර්ඩ් ලකුණු 101ක් ලබාගත්තා. ඇය අවසන් පූර්ව තරගයේදීත් ශතකයක් ලබාගත් අතර ලෝක කුසලාන තරගාවලියක අවසන් පූර්ව තරගයේ හා අවසන් තරගයේ ශතක වාර්තා කළ පළමු ක්රීඩිකාව බවට ද පත් වුණා.
නායක ලෝරා හට අනෙක් අන්තයෙන් ප්රමාණවත් සහයොගයක් නොලැබුණු නිසා දකුණු අප්රිකාවට මෙවරත් ලෝක කුසලානය අභියසටවිත් ආපසු හැරීමට සිදුවුණා.
ලෝක කුසලාන අවසන් මහාතරගයක කඩුලු 4ට වඩා ලබාගත් ප්රථම දඟපන්දු යවන්නිය ලෙසට දීප්ති ශර්මා වාර්තා පොතට එකතු වූ අතර ඇය කඩුලු 5ක් ලබාගැනීමට සමත් වුණා. ෂෆාලි වර්මා කඩුලු 2යි.
ඉන්දියානු කන්ඩායම මීට පෙර දෙවතාවක් ලෝක අනුශූරයන් වී තිබුණ ද ලෝක ශූරයන් බවට පත් වුණේ පළමු වරටයි. එසේම ආසියානු කන්ඩායමක් කාන්තා එක්දින ලෝක කුසලානය දිනාගත් පලමු අවස්ථාවද මෙයයි.
අවසන් මහාතරගයේ වීරයා ලෙස ෂෆාලි වර්මා නම් කෙරුණු අතර, තරගාවලියේ වීරයා වූයෙ දීප්ති ශර්මායි.
