මැදපෙරදිග උද්ගතව ඇති යුදමය තත්ත්වය හේතුවෙන්, කටාර් රාජ්‍යයේ දෝහා නුවර පැවැත්වීමට සැලසුම් කර තිබූ ජාත්‍යන්තර ක්‍රිකට් කවුන්සිල මහා සභා රැස්වීම දින නියමයක් නොමැතිව කල් දමා තිබෙනවා.
2026 වසරට අදාලව ජාත්‍යන්තර ක්‍රිකට් කවුන්සිල මහ සභා රැස්වීම එළඹෙන මාර්තු 25 වැනිදා සිට 27 වැනිදා දක්වා පැවැත්වීමටයි නියමිතව තිබුණේ.
ඒ ජාත්‍යන්තර ක්‍රිකට් කවුන්සලයේ අධ්‍යක්ෂක මණ්ඩලය, විදායක නිලධාරීන්, කමිටු සාමාජිකයින් ඇතුළු පිරිසකගේ සහභාගිත්වයෙන්.
කෙසේ වෙතත්, ජාත්‍යන්තර ක්‍රිකට් කවුන්සිලය නිවේදනය කර ඇත්තේ, එම මහා සභා රැස්වීම වෙනත් රටක සත්කාරකත්වයෙන් ලබන අප්‍රේල් මාසයේ පැවැත්වීමේ වැඩි ඉඩක් ඇති බවයි.
