කොළඹ ආර් ප්රේමදාස ක්රිකට් ක්රීඩාංගනයේදී බංග්ලාදේශයට එරෙහිව අඛණ්ඩව එකොළොස් වැනි එක් දින තරගයද ජයගැනීමට ශ්රී ලංකාව සමත් වුණා.
ඒ දෙරට අතර පළමු එක් දින තරගය ලකුණු 77 කින් ජය ගනිමින්.
තරඟයේ පළමුවෙන් පන්දුවට පහර දුන් ශ්රී ලංකා කණ්ඩායම පන්දුවාර 49.2 කදී සියලු ක්රිඩකයින් දැවී ලකුණු 244 ක් රැස් කලා.
නායකත්වයේ ඉනිමක් ක්රීඩා කළ චරිත් අසලංක තම පස්වැනි එක් දින ශතකය සමඟින් රැස්කළ ලකුණු සංඛ්යාව 106ක්.
කුසල් මෙන්ඩිස් ලකුණු 45යි.
තරගය ජයගැනීම සඳහා බංගලාදේශයට හිමිවූ ඉලක්කය ලකුණු 245 ක්.
ඔවුන් පන්දුවාර 16.3ක් අවසන් වන විට කඩුලු දෙකක් දැවී ලකුණු 100 ක් රැස් කර ගෙන සිටියා.
අනතුරුව තවත් ලකුණු පහක් තුළ බංග්ලාදේශ ඉනිමේ තවත් කඩුලු හයක් දැවී ගියා.
ඒ අනුව ඔවුන්ගේ කඩුලු 8 ක් දැවී ගියේ ලකුණු 105 ක් තුලයි.
බංග්ලාදේශය පන්දු වාර 35.5 කදී සියලු ක්රිඩකයින් දැවී රැස්කළ ලකුණු සංඛ්යාව 167ක්.
විශිෂ්ට පන්දු යැවීමක නිරත වූ වනිදු හසරංග ලකුණු 10කට කඩුලු 4 ක් දවා ගත්තා.
ඔහු තම එක් දින ක්රිකට් දිවියේ කඩුලු100 කඩ ඉමද පසු කිරීම විශේෂත්වයක්.
කමිදු මෙන්ඩිස් කඩුලු 3ක් දවා ගත්තා.
