ශ්රී ලංකා ක්රිකට් ආයතනය සංවිධාන කරන 20-20 ක්රිකට් තරගාවලියේ පළමු තරගය කඩුලු 4 කින් ජය ගැනීමට ග්රීන්ස් කණ්ඩායම අද සමත් වුණා. ඒ, බ්ලූස් කණ්ඩායම පරාජය කරමින්. තරගය පැවැත්වුණේ, කොළඹ එස් එස් සී ක්රීඩාංගණයේදී.
ශ්රී ලංකා ජාතික ක්රිකට් කණ්ඩායම, ශ්රී ලංකා ‘ඒ’ ක්රිකට් කණ්ඩායම සහ ශ්රී ලංකා නැගීඑන ක්රිකට් කණ්ඩායම මෙම තරගාවලියට එක්ව සිටිනවා.
පළමුවෙන් පන්දුවට පහර දුන් බ්ලූස් කණ්ඩායම පන්දුවාර 19 යි පන්දු 4 ක් අවසානයේ සියලුදෙනා දැවී ලකුණු 143 ක් රැස් කළා.
පැතුම් නිස්සංක ලකුණු 28 යි. කුසල් පෙරේරා ලකුණු 24 ක් රැස් කළා.
පන්දු යැවීමේදී ග්රීන්ස් කණ්ඩායම වෙනුවෙන් චාමික කරුණාරත්න කඩුලු 3 ක් දවා ගත්තා. දුෂ්මන්ත චමීර කඩුලු 2 යි.
තරගය ජය ගැනීමට ලකුණු 144 ක ජයග්රාහී ඉලක්කයක් හඹා ගිය ග්රීන්ස් කණ්ඩායම, පන්දුවාර 16 යි පන්දු 5 ක් අවසානයේ කඩුලු 6 ක් දැවී එම ඉලක්කය පසු කළා.
චාමික කරුණාරත්න නොදැවී ලකුණු 47 යි. කමිදු මෙන්ඩිස් ලකුණු 36 ක් රැස් කළා.
පන්දු යැවීමේදී බ්ලූස් කණ්ඩායම වෙනුවෙන් දසුන් ශානක කඩුලු 3 ක් සහ අකිල ධනංජය කඩුලු 2 ක් බිඳ හෙලුවා.
දෙවැනි තරගය, ග්රේස් සහ බ්ලූස් කණ්ඩායම් අතර එස් එස් සී ක්රීඩාංගණයේදී හෙට පැවැත්වෙනවා.
