එංගලන්ත කනිෂ්ඨ බැඩ්මින්ටන් ශූරතාවලියේ ( All England Junior Badminton Championship ) වයස අවුරුදු 19 න් පහළ බාළිකා ඒකළ ශූරතාවය දිනා ගනිමින් රන් පදක්කම දිනා ගැනීමට ශ්රී ලාංකික ක්රීඩිකා රනිත්මා ලියනගේ සමත් වුණා.
ඇය ඊයේ සවස කටුනායක ගුවන් තොටුපොළින් දිවයිනට පැමිණියා.
මෙම තරගාවලිය පැවැත්වුණේ එංගලන්තයේ බර්මින්හැම් නුවරදී.
රටවල් 13 ක ක්රීඩිකාවන් 57 දෙනෙකු ඊට එක්ව සිටියා.
කාන්තා කේවල අවසන් තරගයට සුදුසුකම් ලැබූ රනිත්මා ලියනගේ එහිදී එංගලන්ත ක්රීඩිකාවක් සමග තරග වැදුනා.
එය වට දෙකට බිංදුවක් ලෙස පරාජය කරමින් රනිත්මා ලියනගේ රන් පදක්කම හිමි කරගත්තා.
රනිත්මා ලියනගේ ශ්රී ලංකාවේ බැඩ්මින්ටන් ජාතික ශූරිය වන අතර ඇය ගාල්ල , බද්දේගම ක්රිස්තුදේව බාළිකා විද්යාලයේ ඉගෙනුම ලබන ශිෂ්යයාවක්.
රනිත්මා ලියනගේ පිළිගැනීම සදහා ශ්රී ලංකා බැඩ්මින්ටන් සම්මේලනයේ සභාපති රොෂාන් ගුණවර්ධන මහතා ඇතුළු නිලධාරීන් පිරිසක් ද ඇයගේ දෙමාපියන් ද කටුනායක ගුවන් තොටුපොළ වෙත පැමිණ සිටියා
