ආන්දෝලනාත්මක ඉන්දු-පකිස්තාන් ක්‍රිකට් ගැටුමේ ජය ඉන්දියාවට

මෙවර ආසියානු කුසලානයේ ඉන්දියාව හා පකිස්තානය අතර තරගය ඊයේ දින පැවැත්වුණා. එම තරගය කඩුලු 7කින් ජයගැනීමට ඉන්දියාව සමත් වුණා.

කාසියේ වාසිය දිනූ පකිස්තානු නායකයා මුලින්ම පන්දුවට පහරදීමට තීරණය කළා.

ඉන්දීය පන්දු බලඇනිය හමුවේ පකිස්තානු කණ්ඩායමේ නිරන්තර කඩුලු බිඳවැටීම නිසා ලබාගත හැකි වුණේ කඩුලු 9ක් දැවී ලකුණු 127ක් පමණයි.

පාකිස්තානය වෙනුවෙන් සහීබ්සාදා ෆ‍ර්හාන් ලකුණු 40ක් හා වේග පන්දු යවන ක්‍රීඩක ශහීන් ෂා අෆ්‍රීඩී ලකුනු 33ක් ලබාගත්තා.
පන්දු යැවීමේදී කුල්දීප් යාදව් කඩුලු 3ක් හා ජස්ප්‍රීත් බුම්‍රා සමග අක්සර් පටෙල් කඩුලු 2 බැගින් ලබාගත්තා.

වේගවත් ලෙස මෙම ලකුණු සංඛ්‍යාව හඹාගිය ඉන්දීය පිතිකරුවන් 16වන පන්දුවාරයේදී කඩුලු 3ක් පමණක් දැවී ජයග්‍රහණය වාර්තා කළා.

සූර්‍යකුමාර් යාදව් නොදැවී ලකුණු 47ක්, අභිෂේක් ශර්මා ලකුණු 31ක් හා තිලක් වර්මා ලකුණු 31ක් ලබාගත්තා. ඉන්දීය කණ්ඩායමේ දැවී ගිය කඩුලු 3ම දවාගත්තේ සයීම් අයූබ් විසිනුයි.

තරගය ජයග්‍රහණය කිරීමෙන් අනතුරුව ඉන්දීය ක්‍රීඩකයන් පකිස්තානු ක්‍රීඩකයන්ට අතට අත දී සුබපැතීමෙන් තොරව ක්‍රීඩාපිටියෙන් ඉවත්වීම මේ වන විට ආන්දෝලනාත්මක වී තිබෙනවා.

අද තරගය ශ්‍රී ලංකාව හා හොංකොං කණ්ඩායම අතරයි.