19න් පහළ ආසියානු කුසලානයේ ඇෆ්ගනිස්තානය හා ශ්‍රී ලංකාව අතර එක්දින තරගය කඩුලු 2කින් ජයගැනීමට ශ්‍රී ලංකාව සමත් වුණා.
මුලින් පන්දුවට පහර දුන් ඇෆ්ගනිස්තාන 19න් පහල කණ්ඩායම පන්දුවාර 50 අවසානයේ සියලු කඩුලු දැවී ලකුණු 235ක් ලබාගත්තා. ඇෆ්ගනිස්තානය වෙනුවෙන් ඔස්මාන් සදාත් ලකුණු 52ක් ලබාගත් අතර ෆයිසාල් ෂිනෝසාදා ලකුණු 39ක් ලබාගත්තා.
පන්දු යැවීමේදී සෙත්මික සෙනවිරත්න හා දුල්නිත් සිගේරා කඩුලු 3 බැගින් දවාගත් අතර රසිත් නිම්සර හා චාමික හීනටිගල කඩුලු 2 බැගින් දවාගත්තා.
පිලිතුරු ඉනිම ක්‍රීඩා කළ ශ්‍රී ලංකා කණ්ඩායම අවසන් පන්දුවාරයේදී කඩුලු 8ක් දැවී තිබියදී තරගය ජයගැනීමට සමත් වුණා. ශ්‍රී ලංකා වෙනුවෙන් ආරම්භක පිතුකරු විරාන් චමුදිත ලකුණු 62ක් ලබාගත් අතර චාමික හීනටිගල නොදැවී ලකුණු 51ක් ලබාගෙන ශ්‍රී ලංකාව ජයග්‍රහණය කරා රැගෙන ගියා.
ඇෆ්ගනිස්තානය වෙනුවෙන් නූරිස්තානි ඔමර්සායි කඩුලු 3ක් දවාගැනීමට සමත් වුණා.
මේ ජයග්‍රහණයත් සමග ශ්‍රී ලංකා 19න් පහළ කණ්ඩායම අවසන් පූර්ව වටයට සුදුසුකම් ලැබුවා. ශ්‍රී ලංකාව සමග බී කාණ්ඩයෙන් බංග්ලාදේශයද අවසන් පූර්ව වටයට සුදුසුකම් ලැබුවා.
