ශ්‍රී ලංකා ක්‍රිකට් කණ්ඩායමේ උපදේශක සහ වේග පන්දු පුහුණුකරු ලෙස ලසිත් මාලිංග පත් කර තිබෙනවා.
ඒ කෙටි කාලීන පත් කිරීමක් ලෙසයි.
ශ්‍රී ලංකා ක්‍රිකට් ආයතනය අද මේ බව නිල වශයෙන් නිවේනය කළා.
ලසිත් මාලිංග මෙම තනතුර සඳහා පත්කර ඇත්තේ මසක කාලයක් සඳහායි.
පසුගිය දෙසැම්බර් මස 15 වැනිදා සිට ලබන වසරේ ජනවාරි මස 25 වැනිදා දක්වා එම තනතුර බලත්මක වනු ඇති.
2026 විස්සයි විස්ස ලෝක කුසලාන ක්‍රිකට් තරගාවලිය සඳහා සූදානම් වන ශ්‍රී ලංකා කණ්ඩායමේ වේග පන්දු යවන්නන් සඳහා ලසිත් මාලිංගගේ පුහුණුකාරීත්වය හිමිවන බවයි ශ්‍රී ලංකා ක්‍රිකට් ආයතනය නිවේදනය කළේ.
ලසිත් මාලිංගගේ ජාත්‍යන්තර තරග අත්දැකීම් සහ විස්සයි විස්ස තරඟ වලදී අවසන් පන්දු වාර කිහිපය දැමීමේ ප්‍රවීණතාව ඉදිරි ලෝක කුසලානයේදී ශ්‍රී ලංකා වේග පන්දු යවන්න වෙත ලබාදීම ශ්‍රී ලංකා ක්‍රිකට් ආයතනයේ අරමුණ බවයි නිවේදනයේ දැක්වෙන්නේ.
ශ්‍රී ලංකාවේ සහ ඉන්දියාවේ සම සත්කාරකත්වයෙන් විස්සයි විස්ස ලෝක කුසලාන ක්‍රිකට් තරගාවලිය ලබන වසරේ පෙබරවාරි මස 7වැනිදා ආරම්භ වීමට නියමිතයි.
