අන්තර් පාසල් ලීග් රග්බි තරගාවලියේ කොළඹ වෙස්ලි විද්යාලය සමග ඊයේ පැවැති තරගය ජය ගැනීමට මහනුවර ත්රිත්ව විද්යාලය සමත් වුණා. ත්රිත්ව ක්රීඩකයින් තරගාවලියේ තවදුරටත් අපරාජිතව සිටීම විශේෂත්වයක්.
තරගය පැවැත්වුණේ, කොළඹ හැව්ලොක් ක්රීඩාංගණයේදී. පළමු අර්ධයේදී ත්රිත්ව විද්යාලය ලකුණු 19 ක් රැස් කළ අතර, වෙස්ලි විද්යාලයට ලකුණු රැස් කිරීමට හැකි වූයේ නැහැ. නියමිත කාලය අවසන් වුණේ, ලකුණු 43 ට 10 ක් ලෙස ත්රිත්ව විද්යාලයට ජය හිමි කර දෙමින්. ත්රිත්ව ක්රීඩකයින් ගෝල දිනුම් 4 ක් සහ උත්සහක දිනුම් 3 කින් ලකුණු රැස් කළා.
මොරටුව වේල්ස් කුමර සහ කොළඹ ඩී එස් සේනානායක විද්යාල අතර තරගය පැවැත්වුණේ, රත්මලාන ගුවන් හමුදා ක්රීඩාංගණයේදී. පළමු අර්ධය නිමා වුණේ, ලකුණු 10 ට 7 ක් ලෙස ඩී එස් සේනානායක විද්යාලය ඉදිරියෙන් සිටිමින්. නියමිත කාලය අවසන් වන විට ලකුණු තත්වය 27 ට 21 ක් ලෙස දැක් වුණා. තරගය ජය ගත්තේ, ඩී එස් සේනානායක විද්යාලයයි. ඔවුන් ලකුණු රැස් කළේ, උත්සහක දිනුම් 4 ක් සහ ගෝල දිනුමක් මගින්.
කටුගස්තොට ශාන්ත අන්තෝනි සහ කොළඹ තර්ස්ටන් විද්යාල අතර තරගය නිත්තවෙල ්රීඩාංගණයේදී පැවැත්වුණා. පළමු අර්ධයේදී ලකුණු 7 ට 7 ක් ලෙස දෙපිළම සම තත්වයේ පසු වුණා. නියමිත කාලය අවසන් වුණේ, ලකුණු 14 ට 12 ක් ලෙස කොළඹ තර්ස්ටන් විද්යාලයට ජය හිමි කර දෙමින්. තර්ස්ටන් ක්රීඩකයින් ගෝල දිනුම 2 කින් ලකුණු රැස් කළා.
