නවසීලන්තය හා දකුණු අප්රිකාව අතර තරග 5කින් සමන්විත විස්සයි වීස්ස තරගාවලිය තරග 3-2ක් ලෙස ජයගැනීමට දකුණු අප්රිකාව අද සමත් වුණා. ඒ අවසන් තරග ලකුණු33කින් ජයගනිමින්.
කාසියේ වාසිය දිනූ නවසීලන්තය මුලින් පන්දු යැවීමට තීරණය කළා. ඒ අනුව දකුණු අප්රිකාව සිය ඉනිමට කඩුලු 4ක් දැවී ලකුණු 187ක් ලබාගත්තා. ඊට පිළිතුරු වශයෙන් නවසීලන්තයට ලබාගත හැකිවුණේ කඩුලු 8ට ලකුණු 154ක් පමණයි.
දකුණු අප්රිකාව වෙනුවෙන් කෝනර් එස්ටහ්යුසේන් පන්දු 33ට ලකුණු 75ක් ලබාගත්තා. රූබන් හර්මන් ලකුණු 39ක් හා වියාන් මූල්ඩර් ලකුණු 31ක් ලබාගත්තා.
පන්දු යැවීමේදී නවසීලන්තය වෙනුවෙන් බෙන් සීයර්ස් කඩුලු 2ක් ලබාගත් අතර සැක් ෆෝල්ක්ස් හා ජොෂ් ක්ලාක්සන් එක් කඩුල්ල බැගින් දවාගත්තා.
නවසීලන්තය වෙනුවෙන් බෙවන් ජේකබ්ස් ප්රවේගකාරී ලෙස පන්දු 19ට ලකුණු 36ක් ලබාගත් අතර ටිම් රොබින්සන් ලකුණු25ක්, ඩේන් ක්ලීවර් ලකුණු22ක් හා ජිමී නීෂම් ලකුණු24ක් ලෙස ලබාගත්තා.
දකුණු අප්රිකාව වෙනුවෙන් ජෙරාල්ඩ් කොට්සියර්, වියාන් මූල්ඩර් හා ඔට්නේල් බාට්මාන් කඩුලු 2 බැගින් දවාගත් අතර කේෂව් මහරාජ් එක් කඩුල්ලක් දවාගත්තා.
මෙම අවසන් තරගය ලකුණු 33කින් ජයගත් සංචාරක දකුණු අප්රිකානු කණ්ඩායම තරගාවලිය තරග 3-2ක් ලෙස ජයගැනීමට සමත් වුණා.
අවසන් තරගයේ වීරයා මෙන්ම තරගාවලියේ වීරයා ලෙස නම් කෙරුණේ කෝනර් එස්ටර්හ්යුසන්.
