ඊයේ දින රෝයල් චැලේන්ජර්ස් බැංගලෝර් හා ලක්නව් සුපර් ජයන්ට්ස් කණ්ඩායම් අතර පැවති තරගයෙන් 2025 අයි පී එල් තරගාවලියේ පළමු වටයේ තරග සියල්ල අවසන් වුණා.
එම තරගය ලකුණු 227ක් හඹායමින් කඩුලු 6ක ජයක් ලැබීමට බැංගලෝර් කණ්ඩායම සමත් වුණා.
මුලින්ම පන්දුවට පහරදුන් ලක්නව් සුපර් ජයන්ට්ස් කණ්ඩායම සිය ඉනිමට කඩුලු 3ක් දැවී ලකුණු 227ක් රැස්කිරීමට සමත් වුණා. එහිදී විශිෂ්ට පිතිකරණයක නියැළුණ නායක රිෂාබ් පන්ට් නොදැවී ලකුණු 118ක් රැස්කිරීමට සමත් වුණා. මිචෙල් මාර්ෂ් ලකුණු 67යි.
බැංගලෝර් කණ්ඩායම වෙනුවෙන් සිය පළමු තරගය ක්රීඩා කළ නුවන් තුෂාර, බුවනේෂ්වර් කුමාර් හා රොමාරියෝ ශෙපර්ඩ් එක් කඩුල්ල බැගින් බිඳහෙළුවා.
පිලිතුරු ඉනිම ක්රීඩා කළ රෝයල් චැලේන්ජර්ස් බැංගලෝර් කණ්ඩායම පන්දුවාර 18 යි පන්දු 4දී කඩුලු 4ක් පමණක් දැවී ලකුණු 230ක් ලබා තරගයේ ජය වාර්තා කිරීමට සමත් වුණා.
බැංගලෝර් කණ්ඩායම වෙනුවෙ එදින නායකත්වය දැරූ ජිතේෂ් ෂර්මා සටන්කාමී ඉනිමක් දියත් කරමින් නොදැවී ලකුණු 85ක්, විරාට් කෝලි ලකුණු 54ක් හා මයන්ක් අගර්වාල් නොදැවී ලකුණු 41ක් ලබාගත්තා.
ලක්නව් කණ්ඩායම වෙනුවෙන් විල් ඕ’රූක් කඩුලු 2ක් දවාගත්තා.
මෙම ජයග්රහණයත් සමග රෝයල් චැලේන්ජර්ස් කණ්ඩායම ප්රසාද ලකුණු සටහනේ දෙවන ස්ථානය තහවරු කරගත්තා.
මෙම තරගයෙන් මෙවර තරගාවලියේ සියලු පළමු වටයේ තරග අවසන් වූ අතර අවසන් පූර්ව වටයට සුදුසුකම් ලැබූ කණ්ඩායම් වන්නේ. පංජාබ් කිංග්ස්, රෝයල් චැලේන්ජර්ස් බැංගලෝර්, ගුජරාට් ටයිටන්ස් හා මුම්බයි ඉන්ඩියන්ස් කණ්ඩායමයි.
තරගාවලියේ මීලග වටය හෙට දින සිට ආරම්භවීමට නියමිතයි.
