ලෝක කුසලාන කාන්තා 20 – 20 ක්‍රිකට් තරගාවලියේ අවසන් පූර්ව වටයේ තරගය හෙට ආරම්භවනවා.
ඊයේ පැවැති තරගයෙන් කොදෙව් ක්‍රීඩිකාවන් ජය ගත්තේ එංගලන්තය පරාජය කරමින්.
කොදෙව් – එංගලන්ත කණ්ඩායම් අතර තරගය පැවැත්වුණේ ඩුබායිහිදී.
පළමුවෙන් පන්දුවට පහර දුන් එංගලන්ත කණ්ඩායම පන්දු වාර 20 ඇතුලත කඩුලු 7 ක් දැවී ලකුණු 141 ක් රැස් කළා.
වැඩිම ලකුණු ලාභිනිය වූ නෙට් ශිවර් බ්‍රන්ට් ලකුණු 51 යි. පන්දු යැවීමේදී ඇෆී ෆ්ලෙචර් කඩුලු 3 ක් දවා ගත්තා.
පිලිතුරු ලෙස බටහිර ඉන්දීය කොදෙව් කණ්ඩායම තරගය ජය ගත්තේ පන්දු වාර 18 ක් අවසානයේ කඩුලු 4 ක් දැවී ලකුණු 144 ක් රැස් කරමින්.
කියානා ජෝෂප් ලකුණු 52 ක් රැස් කළ අතර හේලි මැතිව්ස් ලකුණු 50 යි.
තරගයෙන් කොදෙව් කණ්ඩායම ජය ගත්තේ කඩුලු 6 කින්.
තරගාවලියේ පළමු අවසන් පූර්ව තරගය ඔස්ට්‍රේලියා සහ දකුණු අප්‍රිකා කණ්ඩායම් අතර පැවැත්වෙනවා.
දෙවැනි අවසන් පූර්ව තරගය පැවැත්වෙන්නේ නවසීළන්ත සහ බටහිර ඉන්දීය කොදෙව් කණ්ඩායම් අතරයි.
