රෝයල් චැලේන්ජර්ස් බැංගලෝර් හා කොල්කටා නයිට් රයිඩර්ස් කණ්ඩායම් අතර 2026 අයිපීඑල් තරගාවලියේ 57වන තරගය ඊයේ පැවැත්වුණා. එම තරගයෙන් කඩුලු 6ක ජයක් ලැබීමට ආර්සීබී කණ්ඩායම සමත් වුණා.
පළමුවෙන් පන්දුවට පහර දුන් කේකේඅර් කණ්ඩායම නියමිත පන්දුවාර 20 අවසානයේ කඩුලු 4ක් දැවී ලකුණු 192ක් ලබාගත්තා. අන්කිෂ් රඝුවන්ෂි ලකුණු 71ක් හා රිංකු සිං නොදැවී ලකුණු 49ක් කේකේආර් ඉනිමට එක් කළා.
පන්දු යැවීමේදී ආර්සීබී වෙනුවෙන් බුවනේෂ්වර් කුමාර්, ජොස් හේසල්වුඩ් හා රසික් සලාම් එක් කඩුල්ල බැගින් දවාගත්තා.
පිලිතුරු ඉනිමේදී හඹායෑමේ ශූර විරාත් කෝලි සිය 9වන අයිපීඑල් ශතකය ලබාගනිමින් නොදැවී ලකුණු 105ක් රැස්කොට තරගය ජයග්‍රහණය කරා රැගෙන ගියා. ඔහුට සහය වෙමින් දෙව්දත් පඩික්කල් ලකුණු 39ක් ලබාගත්තා.
කේකේඅර් කණ්ඩායම වෙනුවෙන් කාර්තික් ත්‍යාගි කඩුලු 3ක් දවාගත් අතර සුනිල් නරායන් හට එක් කඩුල්ලක් හිමිවුණා.
මේ ජයග්‍රහනයත් සමග ප්‍රසාද ලකුණු 16ක් සමගින් ලකුණු සටහනේ ප්‍රථම ස්ථානයට පත්වීමට රෝයල් චැලේන්ජර්ස් බැංගලෝර් කන්ඩායම සමත් වුණා.
තරගාවලියේ 58 වන තරගය අද පංජාබ් කිංග්ස් හා මුම්බායි ඉන්ඩියන්ස් කණ්ඩායම් අතර ධරම්ශාලා හීදී පැවැත්වීමට නියමිතයි.
