2025 අයි පී එල් තරගාවලියේ දෙවන තරගයේදී සන්රයිසස් හයිද්රබාද් කණ්ඩායම රාජස්ථාන් රෝයල්ස් කණ්ඩායමට එරෙහිව ලකුණු 286ක් වාර්තා කළා. එම ලකුණු සංඛ්යාව අයි පී එල් ඉතිහාසයේ කණ්ඩායමක් ලැබූ දෙවන ඉහළම ලකුණු සංඛ්යාවයි. ඔවුන් විසින්ම පිහිටුවා ඇති මෙම වාර්තාවට අඩු වූයේ එක් ලකුණක් පමණයි.
කාසියේ වාසිය දිනා රෝයල්ස් කණ්ඩායම මුලින්ම පන්දු යැවීමට තීරණය කළා. මුලින්ම පන්දුවට පහරදුන් සන්රයිසස් කණ්ඩායම කඩුලු 6ක් දැවී ලකුණු 286ක් ලබාගත්තා.
සන්රයිසස් කණ්ඩායම වෙනුවෙන් සිය පළමු ඉනිම ක්රීඩා කරමින් ඉෂාන් කිෂාන් පන්දු 47ට නොදැවී ලකුණු 106ක් ලබාගත්තා. ට්රැවස් හෙඩ් ලකුණු 67යි.
පිළිතුරු ඉනිම ක්රීඩා කළ රාජස්ථාන් රෝයල්ස් කණ්ඩායම නියමිත පන්දුවාර 20 අවසානයේ කඩුලු 6ට ලකුණු 242ක් ලබාගත්තා.දෘව් ජුරෙල් ලකුණු 70ක්, සන්ජු සැම්සන් ලකුණු 66ක් හා ෂිම්රොන් හෙට්මයර් ලකුණු 42ක් ලබාගත්තා.
ඒ අනුව සිය පළමු තරගයෙන් ලකුණු 44ක ජයක් ලැබීමට සන්රයිසස් හයිද්රබාද් කණ්ඩායම සමත් වුණා.
තරගයේ වීරයා ඉෂාන් කිෂාන්.
