ශ්‍රී ලංකාව සහ බංග්ලාදේශය අතර, වයස අවුරුදු 19 න් පහළ පළමු එක්දින ක්‍රිකට් තරගය ලකුණු 98 කින් ජය ගැනීමට ශ්‍රී ලංකා කණ්ඩායම ඊයේ සමත් වුණා.
තරගය පැවැත් වුණේ, කොළඹ සී සී සී ක්‍රිකට් ක්‍රීඩාංගණයේදී.
කාසියේ වාසිය හිමි කර ගත් ශ්‍රී ලංකා යොවුන් කණ්ඩායම පළමුවෙන් පන්දුවට පහරදීමට තීරණය කළා.
ඒ අනුව, ඔවුන් නියමිත පන්දුවාර 50 තුළ කඩුලු 6 ක් දැවී ලකුණු 241 ක් ලබා ගත්තා. සෙනුජ වැකුනගොඩ ලකුණු ලකුණු 50 යි. චාමික හීනටිගල නොදැවී ලකුණු 78 ක් සහ කවිජ ගමගේ නොදැවී ලකුණු 60 ක් රැස් කළා.
පන්දු යැවීමේදී ඉක්බාල් හොසෙයින් ඉමොන් සහ රිසාන් හොසන් කඩුලු 2 බැගින් බිඳ හෙලුවා. ලකුණු 242 ක ජයග්‍රාහී ඉලක්කයක් හඹා ගිය බංග්ලාදේශ යොවුන් ක්‍රීඩකයින්ට පන්දුවාර 33 යි පන්දු 3 ක් අවසානයේ සියලුදෙනා දැවී රැස් කර ගත හැකි වූයේ, ලකුණු 143 ක් පමණයි.
ඉනිමේ වැඩිම ලකුණුලාභියා වූ කලම් සිද්දිකි ලකුණු 46 යි. පන්දු යැවීමේ විග්නේෂ්වරන් ආකාශ් කඩුලු 5 ක් දවා ගත්තා.
කුගඩස් මතුලන් සහ කිත්ම විදානපතිරණ කඩුලු 2 බැගින් බිඳ හෙලුවා. තරගාවලියේ දෙවැනි තරගය හෙට පැවැත්වෙනවා
