ශ්‍රී ලංකා ක්‍රිකට් ආයතනය සංවිධානය කළ SLCT20 ලීග් ක්‍රිකට් තරගාවලියේ ශූරතාව හිමි කර ගැනීමට ග්‍රීන්ස් කණ්ඩායම සමත් වුණා.
ඒ අවසන් මහා තරගයේ ග්‍රේස් කණ්ඩායම පරාජය කරමින්.
තරගාවලියේ අවසන් මහා තරගය අද පැවැත්වුණේ කොළඹ එස් එස් සී ක්‍රීඩාංගනයේදී.
පළමුවෙන් පන්දුවට පහර දුන් ග්‍රීන්ස් ක්‍රීඩකයින් නියමිත පන්දුවාර විස්ස තුළ කඩුලු 4කට ලකුණු 189ක් රැස්කලා.
කුසල් මෙන්ඩිස් පන්දු 47කදී හතරේ සහ හයේ පහර 5 සමග ලකුණු 77ක් රැස් කලා.
සදීර සමරවික්‍රම නොදැවී ලකුණු 49 ක් රැස් කල අතර කමිදු මෙන්ඩිස් නොදැවී ලකුණු 42 යි.
පිලිතුරු ලෙස ග්‍රේස් කණ්ඩායමට පන්දුවාර විස්ස තුළ කඩුලු 8ක් දැවී රැස්කිරීමට හැකි වුණේ ලකුණු 166ක් පමණයි.
නිරෝෂන් දික්වැල්ල ලකුණු 50 ක් රැස් කල අතර දිනේෂ් චන්දිමාල් ලකුණු 36 යි.
පන්දු යැවීමේදී චාමික කරුණාරත්න කඩුලු 3ක් දවාගැනීමට සමත් වුණා.
තරගය ග්‍රීන්ස් කණ්ඩායම ජයගත්තේ ලකුණු 23කින්.
