මේ වසරේ පැවැත්වීමට නියමිතව තිබූ 2025 ලංකා ප්‍රිමියර් ලීග් තරගාවලිය (LPL) නොපැවැත්වීමට තීරණය කොට ඇතැයි ශ්‍රී ලංකා ක්‍රිකට් ආයතනය අද නිවේදනය කළා.
මෙම තීරණය ගෙන ඇත්තේ, ලබන වසරේ පෙබරවාරි මස ආරම්භවීමට නියමිත විස්සයි විස්ස ලෝක කුසලානය සඳහා ශ්‍රී ලංකාව සම සත්කාරකත්වය දරන නිසා ඒ සඳහා අවශ්‍යය පරිදි ක්‍රීඩාංගණ සැකසීමට සිදුවීමයි.
කණ්ඩායම් 20ක් සහභාගිවන මෙම තරගාවලිය සඳහා ICC ආයතනයේ නියාමනයන්ට අනුකූලව ක්‍රීඩාංගණ සැකසිය යුතුය.
ඒ අනුව මේ වසරේ පැවැත්වීමට නියමිතව තිබූ LPL තරගාවලිය සුදුසු කාලයකට රැගෙන යාමට තීරණය කල බව ශ්‍රී ලංකා ක්‍රිකට් ආයතනය නිවේදනය කළා.
ක්‍රීඩාංගන 3කදී ලෝක කුසලාන තරග පැවැත්වීමට නියමිත අතර මේ දිනවල කාන්තා ලෝක කුසලානයේ තරග පැවැත්වෙන කොළඹ ආර්. ප්‍රේමදාස පිටියේ හැර අනෙක් ක්‍රීඩාංගනවල අළුත්වැඩියා කටයුතු මේ වන විටත් ආරම්භ කොට ඇති බව ශ්‍රී ලංකා ක්‍රිකට් ආයතනය වැඩිදුරටත් නිවේදනය කළා.
