කොළඹ ආනන්ද විද්යාලය හා නාලන්ද විද්යාලය අතර 49 වන වරට පැවති සුලෝහිත සංග්රාම එක්දින ක්රිකට් තරගයෙන් ලකුණු 53ක ජයක් ලැබීමට කොළඹ ආනන්ද විද්යාලය සමත් වුණා. තරගය පැවැතියේ කොළඹ එස්.එස්.සී පිටියේදීයි.
මෙම පළමු දිවා රාත්රී තරගයේ කාසිය වාසිය දිනාගත්තේ නාලන්ද විද්යාලයයි. නාලන්ද විද්යාලයේ නායක ඔසඳ පමුදිත මුලින්ම පන්දුවට පහරදීමට තීරණය කළා.
ඒ අනුව පළමුවෙන් පන්දුවට පහර දුන් නාලන්දා කණ්ඩායම සියලු දෙනා දැවී ලකුණු 261ක් ලබාගත්තා. ඊට පිළිතුරු වශයෙන් ආනන්ද විද්යාලයීය කණ්ඩායමට සියලු දෙනා දැවී ලබාගැනීමට හැකිවුණේ ලකුණු 208ක් පමණයි.
නාලන්දා කණ්ඩායමේ පළමු පන්දුවාර 10 අවසන් වන විට කඩුලු 3ක් දැවී ලබාගත්තේ ලකුණු 33ක් පමණයි.
ඉන් අනතුරුව සිව්වන කඩුල්ල සඳහා රන්මිත් දෙනුවර හා නෙමිඳු අක්මීමන පන්දු 145ට ලකුණු 144ක සබඳතාවයක් ගොඩනැගීමට සමත් වුණා.
නෙමිඳු අක්මීමන පන්දු 73ට ලකුණු 79ක් ලබාගත් අතර රන්මිත් දෙනුවර පන්දු 104ට ලකුණු 78ක් ලබාගත්තා. ඊට අමතරව මල්ෂ ප්රනාන්දු ලකුණු 19ක් ලබාගත්තා.
ආනන්ද විද්යාලය වෙනුවෙන් පන්දු යැවීමේදී දසිත් බටුගහගේ හා ශාරද ජයරත්න කඩුලු 2 බැගින් දවාගත් අතර තිනුර සනුජිත, කිත්ම විදානපතිරන, රශාන් දිලක්ෂ හා ආශිංස නයිනායක එක් කඩුල්ල බැගින් දවාගත්තා.
ආනන්ද කණ්ඩායම වෙනුවෙන් දනිදු සෙල්ලප්පෙරුම පන්දු 92ට ලකුණු 80ක් ලබාගත් අතර ශාරද ජයරත්න ලකුණු 23ක් හා කිත්ම විදානපතිරන ලකුණු 22ක් ලබාගත්තා.
නාලන්දා කන්ඩායම වෙනුවෙන් ඔසඳ පමුදිත ලකුණු 19ට කඩුලු 3ක් හා සංතුල් විජේරත්න ලකුණු 50ට කඩුලු 2ක් දවාගත්තා.
ඒ අනුව 49 වැනි සුලෝහිත සංග්රාම එක්දින තරගය ලකුණු 53කින් ජයගැනීමට කොළඹ නාලන්ද විද්යාලයීය කණ්ඩායම සමත් වුණා.
