කාන්තා 20/20 ක්රිකට් ලෝක කුසලානයේ බටහිර ඉන්දීය කොදෙව් කණ්ඩායම හා ශ්රී ලංකා කණ්ඩායම අතර තරගය ඊයේ පැවැත්වුණා. එම තරගය කඩුලු 5කින් ජයගැනීමට කොදෙව් කණ්ඩායම සමත් වුණා.
පළමුවෙන් පන්දුවට පහරදුන් ශ්රී ලංකා කණ්ඩායමේ සියලු කඩුලු ලකුණු 98කට දැවී ගියා. නිලක්ෂිකා ද සිල්වා ලකුණු 30ක් හා කවීශා දිල්හාරි ලකුණු 21ක් ලබාගත්තා.
දක්ෂ පන්දු යැවීමක නිරත වූ හේලි මැතිව්ස් ලකුණු 15ට කඩුලු 3ක් හා කරිෂ්මා රැම්හැරක් ලකුණු 15ට කඩුලු 2ක් දවාගත්තා.
ලකුණු 99ක පහසු ඉලක්කය හඹාගිය කොදෙව් ක්රීඩිකාවන් 19 වන පන්දුවාරයේදී තරගයේ ජයග්රහණය ලබාගත්තා. කෙසේ වෙතත් කොදෙව් ඉනිමේ කඩුලු 5ක් දවාගැනීමට ශ්රී ලංකා ක්රීඩිකාවන් සමත් වුණා.
පිතිකරණයේදී කොදෙව් ඉනිම වෙනුවෙන් ස්ටෙෆනී ටේලර් නොදැවී ලකුණු 27ක් ලබාගත් අතර ශ්රී ලංකාව වෙනුවෙන් කවීෂා දිල්හාරි කඩුලු 2ක් හා නිමාෂා මීපගේ හා චමරි අතපත්තු එක් කඩුල්ල බැගින් දවාගත්තා.
මේ ජයග්රහණයත් සමග කොදෙව් කණ්ඩායම ප්රසාද ලකුණු සටහනේ තුන්වන ස්ථානය ලබාගත් අතර ශ්රී ලංකාව පසුවන්නේ පස්වැනි ස්ථානයේයි.
