ඉන්දීය කණ්ඩායම පරාජයට පත් කරමින් ඓතිහාසික 20/ 20 තරග ජයග්‍රහණයක් වාර්තා කිරීමට අයර්ලන්ත කණ්ඩායම සමත් වුණා.
අයර්ලන්තයේ බෙල්ෆාස්ට් හිදී පැවැති මෙම තරගයේ කාසිය වාසිය දිනූ ඉන්දීය නායක ශ්‍රේයාස් අයියර් ප්‍රථමයෙන් පන්දු රැකීමට තීරණය කලා.
ඒ අනුව පිටියට පිවිසි අයර්ලන්ත කණ්ඩායම නියමිත පන්දුවාර 20 අවසානයේ කඩුලු 9ක් දැවී ලකුණු 182ක් රැස්කලා.
ලකුණු 183ක ජයග්‍රාහී ඉලක්කයක් හඹා යාම සඳහා පිටියට පිවිසි ප්‍රබල ඉන්දීය පිතිකරුවන්ට, අයර්ලන්ත පන්දු යවන්නන් හමුවේ සාර්ථක වීමට අවස්ථාවක් ලැබුණේ නැහැ.
ඉන්දීය කණ්ඩායමට පන්දුවාර 18යි පන්දු 05කදී සියලු ක්‍රීඩකයින් දැවී ලබාගත හැකි වූණේ ලකුණු 148ක් පමණයි. තරගයෙන් අයර්ලන්තය ජය ගත්තේ ලකුණු 34 කින්.
මේ අනුව තරග දෙකකින් සමන්විත විස්සයි20 තරගාවලිය 1-0ක් ලෙස පෙරමුණ ගැනීමට සත්කාරක අයර්ලන්තය සමත් වුණා.
අයර්ලන්තය හමුවේ ඉන්දියාව මෙලෙස පරාජයට පත් වූණේ, දෙරට අතර පැවැති ජාත්‍යන්තර ක්‍රිකට් ඉතිහාසයේ අයර්ලන්තය ලැබූ පළමු ජයග්‍රහණය සලකුණු කරමිනි.
විශේෂයෙන්ම විස්සයි20 ලෝක කුසලානය දිනා ගැනීමෙන් පසු ඉන්දීය කණ්ඩායම ක්‍රීඩා කළ පළමු විස්සයි20 තරගය මෙයවි වීමද විශේෂත්වයක්.
