ලෝක කුසලාන කාන්තා විස්සයි විස්ස ක්‍රිකට් තරගාවලියේ මූලික වටයේ යටතේ ශ්‍රී ලංකා කණ්ඩායම සහභාගී වූ අවසන් තරගයෙන් ස්කොට්ලන්තය පරදා කඩුලු 03 ක ජයක් වාර්තා කළා. තරගය පැවැත්වුනේ එංගලන්තයේ මැන්චෙස්ටර් හිදී.
පළමුවෙන් පන්දුවට පහරදුන් ස්කොට්ලන්තය පන්දුවාර 20 ඇතුලත කඩුලු 6 ක දැවී ලකුණු 151 ක් රැස්කළා. සාරා බ්‍රේස් නොදැවී ලකුණු 47 යි. පන්දු යැවීමේදී මිතාලි අයෝද්‍යා කඩුලු 2 ක් දවාගත්තා. පිළිතුරු ලෙස ශ්‍රී ලංකා ක්‍රීඩිකාවන් තරගය ජයගත්තේ පන්දුවාර 19 යි පන්දු 5 කදී කඩුලු 7 ක් දැවී ලකුණු 154 ක් රැස්කරමින්.
වැඩිම ලකුණු ලාභිනිය වූ චමරි අතපත්තු ලකුණු 33 යි. හර්ෂිතා සමරවික්‍රම ලකුනු 27 ක් රැස්කල අතර හෂිනි පෙරේරා ලකුණු 23 ක් ලබාගත්තා. නිලක්ෂිකා සිල්වා නොදැවී ලකුණු 21 යි. එම ජයග්‍රහනයත් සමග ශ්‍රි ලංකාව මූලික වටයේ බී, කාණ්ඩයේ තුන්වන ස්ථානය දක්වා ඉදිරියට පැමිණියා. ශ්‍රී ලංකාව මූලික වටයේදී තරග 05 ක් ක්‍රීඩා කර ඉන් තරග 3 ක් ජයගෙන ප්‍රසාද ලකුනු 06 ක් හිමිකරගෙන තිබෙනවා.
