ඉන්දියාව හා නවසීලන්තය අතර පැවැත්වෙන එක්දින තරගාවලියේ සිව්වන තරගය මවුන්ට් මොන්ගුනි හීදී පැවැත්වුණා. එම තරගයෙන් ලකුණු 244ක දැවැන්ත ජයක් ලැබීමට නවසීලන්ත කණ්ඩායම සමත් වුණා.
පළමුවෙන් පන්දුවට දුන් නවසීලන්ත කණ්ඩායම සියලු දෙනා දැවී ලකුණු 333ක් ලබාගත්තා.
එහිදී ආරම්භක පිතිකරු විල් යංග් ලකුණු 125ක් ලබා ගත් අතර ටිම් සයිෆර්ට් ලකුණු 58ක් හා ෆින් ඇලන් ලකුණු 41ක් ලබාගත්තා.
ඉන්දියාව වෙනුවෙන් පන්දු යැවීමේදී ආකිබ් නබී, ගුර්නූර් බ්‍රාර් හා අක්සාර් පටෙල් කඩුලු 2 බැගින් දවාගත්තා.
පිළිතුරු ඉනිම ක්‍රීඩා කළ ඉන්දීය කණ්ඩායමේ සියලු කඩුලු ලකුණු 89ට දවාගැනීමට නවසීලන්තය සමත් වුණා.
රෝහිත් ශර්මා, විරාත් කෝලි හා ශ්‍රේයස් අයියර් ලකුණු නොලබා දැවී යාම මෙහිදී විශේෂත්වයක්. ඉන්දීය ඉනිමේ වැඩිම ලාභියා වූ ඉෂාන් කිෂාන් ලකුණු 27ක් ලබාගත්තා.
ඉන්දීය ඉනිම සුණුවිසුණු කරමින් මැට් හෙන්රි කඩුලු 6ක් දවාගත් අතර මැතිව් ෆිශ‍ර් කඩුලු 3ක් දවාගැනීමට සමත් වුණා.
ඒ අනුව ප්‍රභල ඉන්දීය කණ්ඩායමට ලකුණු 244ක දැවැන්ත පරාජයක් අත්වුණා.
