2026 IPL තරගාවලියේ league වටයේ අවසන් තරග කිහිපය මේ දිනවල පැවැත්වෙන අතර අදත් තීරණාත්මක තරග 2ක් පැවැත්වේ, ඒ දිවා කාලයේ පංජාබ් කිංග්ස් (PBKS) හා රෝයල් චැලේන්ජර්ස් බැංගලෝර් (RCB) අතර තරගයත්, රාත්‍රී කාලයේදී දිල්ලි කැපිටල්ස් (DC) හා රාජස්ථාන් රෝයල්ස් (RR) අතර තරගය යි.
ප්‍රසාද ලකුණු සටහනේ RCB පලමු ස්ථානයේ සිටින අතර පංජාබ් කිංග්ස් 4 වන ස්ථානයේ සිටී. රාජස්ථාන් රෝයල්ස් 5 වන ස්ථානයේ හා දිල්ලි කැපිටල්ස් 8 වන ස්ථානයේ රැදී සිටී. අද තරග දෙක Playoff වටයට යෑම සඳහා සිව්වන ස්ථානයේ රැදී සිටින PBKS කණ්ඩායමට හා පස්වන ස්ථානයේ රැදී සිටින RR කණ්ඩායමට ඉතා වැදගත් වෙයි.
දිවා තරගය පස්වරු 3.30ට හා රාත්‍රී තරගය පස්වරු 7.30ටත් ආරම්භවීමට නියමිතයි.
ඊයේ දින පැවති කොල්කටා නයිට් රයිඩර්ස් (KKR) හා ගුජරාට් ටයිටන්ස් (GT) කණ්ඩායමත් අතර තරගයෙන් ලකුණු 29ක ජයක් ලැබීමට KKR සමත් වුණා.
මුලින් පන්දුවට පහර දුන් KKR කණ්ඩායම කඩුලු 2ට ලකුණු 247ක් ලබාගත්තා. ෆින් ඇලන් පන්දු 35ට ලකුණු 93ක් ලබාගත් අතර අන්ග්ක්‍රිෂ් රඝුවංශි නොදැවී ලකුණු 82ක් හා කැමරන් ග්‍රීන් නොදැවී ලකුණු 52ක් ලබාගත්තා.
GT කණ්ඩායමට ලබාගැනීමට හැකිවුණේ කඩුලු 4ට ලකුණු 218ක් පමණයි. ශුබ්මන් ගිල් ලකුණු 83ක්, සායි සුදර්ශන් ලකුණු 53ක් හා ජොස් බට්ලර් ලකුණු 53ක් ලබාගත්තා. සුනිල් නරායන්ට කඩුලු 2යි.
ශ්‍රී ලංකා වේගපන්දු යවන ක්‍රීඩක මතීෂ පතිරණ ඊයේ දින KKR කණ්ඩායමට ඇතුලත් කොට තිබුණත් නැවතත් ආබාධ වූ නිසා පන්දුවාර 1.2ක් යැවීමෙන් පසු ඔහු පිටියෙන් ඉවත් වුණා.
ගුජරාට් ටයිටන්ස් කණ්ඩායම මේ වන විට දෙවන ස්ථානයේත් KKR 7 වන ස්ථානයේත් රැදී සිටිනවා.
