20-20 ලෝක කුසලාන කාන්තා ක්රිකට් තරගාවලියේ අවසන් තරගයට සුදුසුකම් ලබා ගැනීමට ඔස්ට්රේලියා කණ්ඩායම ඊයේ සමත් වුණා.
ඒ, බටහිර ඉන්දීය කොදෙව් කණ්ඩායම සමග පැවති පළමු අවසන් පූර්ව තරගය කඩුලු 8 කින් ජය ගනිමින්. ඔස්ට්රේලියා කාන්තා ක්රිකට් කණ්ඩායමක්, ලෝක කුසලාන කාන්තා 20-20 ක්රිකට් තරගාවලියකදී අවසන් තරගයට සුදුසුකම් ලැබූ 8 වැනි අවස්ථාව මෙයයි.
තරගය පැවැත්වුණේ, එංගලන්තයේ කෙනින්ග්ටන් ඕවල් ක්රිකට් ක්රීඩාංගණයේදී. කාසියේ වාසිය හිමි කර ගත් ඔස්ට්රේලියා කණ්ඩායම පළමුවෙන් පන්දු රැකීමට තීරණය කළා.
ඒ අනුව, ප්රථමයෙන් පන්දුවට පහර දුන් බටහිර ඉන්දීය කොදෙව් කණ්ඩායම පන්දුවාර 20 තුළ කඩුලු 7 ක් දැවී ලකුණු 125 ක් රැස් කළා. නායිකා හෙලී මැතිව්ස් ලකුණු 30 යි.
ෂිමයින් කැම්බෙල් ලකුණු 22 ක් රැස් කළා. ඩිඑන් ඩ්රා ඩුටින් නොදැවී ලකුණු 26 යි. පන්දු යැවීමේදී සොෆී මොලිනෙක්ස්, ඇෂ්ලින්ග් ගාර්ඩ්නර් සහ ජෝර්ජියා වේරම් කඩුලු 2 බැගින් දවා ගත්තා.
පිළිතුරු ලෙස පන්දුවට පහර දුන් ඔස්ට්රේලියා කණ්ඩායම පන්දුවාර 13 කදී කඩුලු 2 ක් දැවී ලකුණු 127 ක් ලබා ගනිමින් තරගය ජය ගත්තා.
බෙත් මූනි නොදැවී ලකුණු 61 ක් රැස් කළා. ඇෂ්ලින්ග් ගාර්ඩ්නර් නොදැවී ලකුණු 35 යි. තරගාවලියේ දෙවැනි අවසන් පූර්ව තරගය එංගලන්තය සහ දකුණු අප්රිකා කණ්ඩායම් අතර හෙට පැවැත්වීමට නියමිතයි.
