සංචාරක බටහිර ඉන්දීය කොදෙව් කණ්ඩායම හා බංග්ලාදේශය අතර තරග තුනකින් සමන්විත 20-20 තරගාවලියේ තුන්වන තරගය ඊයේ චතෝග්‍රෑම් හීදී පැවැත්වණා.
මුලින්ම පන්දුවට පහරදුන් බංග්ලාදේශ කණ්ඩායම සියලු කඩුලු දැවී ලකුණු 151ක් ලබාගත්තා.
ටන්සිඩ් හසාන් ලකුණු 89ක් ලබාගත් අතර සයීෆ් හසාන් ලකුණු 23ක් ලබාගත්තා. මීට අමතරව බංග්ලාදේශ පිතිකරණ ලැයිස්තුවේ කිසිදු ක්‍රීඩකයෙකුට ලකුණු 10ට වඩා ලබාගැනීමට කොදෙව් පන්දු යවන්නන් ඉඩ ලබාදුන්නේ නැහැ.
රොමාරියෝ ෂෙෆර්ඩ් කඩුලු 3ක් ලබාගත් අතර ජේසන් හෝල්ඩර් හා කැරී පියර් කඩුලු 2 බැගින් දවාගත්තා.
පිලිතුරු ඉනිම ක්‍රීඩාකළ කොදෙව් ඉනිමේ මුල් කඩුලු 3 ලකුණු 52ට දැවී ගියද, 17වන පන්දුවාරයේදී කඩුලු 5ක් අතැතිව තිබියදී තරගය ජයගැනීමට කොදෙව් ක්‍රීඩකයන් සමත් වුණා.
රොස්ටන් චේස් හා අකීම් ඔගස්තේ ලකුණු 50 බැගින් ලබාගත් අතර අමීර් ජන්ගෝ ලකුණු 34ක් ලබාගත්තා.
බංග්ලාදේශය වෙනුවෙන් රිෂාද් හුසේන් කඩුලු 3ක් ලබාගත්තා.
මේ ජයග්‍රහණයත් සමග මෙම 20-20 තරගාවලිය තරග 3-0ක් ලෙස සියලු තරග ජයගැනීමට බටහිර ඉන්දීය කොදෙව් කණ්ඩායම සමත් වුණා.
අවසන් තරගයේ වීරයා ලෙස රොස්ටන් චේස් නම් කෙරුණු අතර තරගාවලියේ වීරයා ලෙස නම් කෙරුණේ රොමාරියෝ ෂෙෆර්ඩ්.
