පකිස්තානය, දකුණු අප්‍රිකාව හා නවසීලන්තය අතර පැවති තුන්කොන් එක්දින තරගාවලියේ ශූරතාවය නවසීලන්තය දිනාගත්තා. ඒ අවසන් තරගයෙන් පකිස්තානයට එරෙහිව කඩුලු 5ක ජයක් ලබමින්.
මුලින්ම පන්දුවට පහරදුන් පකිස්තාන කණ්ඩායමට සියලු දෙනා දැවී ලබාගත හැකිවූයේ ලකුණු 242ක් පමණයි. පකිස්තානය වෙනුවෙන් ලකුණු ලබාගැනීමේදී මොහොමඩ් රිස්වාන් ලකුණු 46ක්, සල්මන් අගා ලකුණු45ක් හා තය්‍යබ් තහීර් ලකුණු 38ක් ලබාගත්තා.
විල් ඕ’රූක් කඩුලු 4ක් හා මයිකල් බ්‍රේස්වෙල්, මිචෙල් සැන්ට්නර් කඩුලු 2 බැගින් ලබාගත්තා.
නවසීලන්ත කණ්ඩායම කඩුලු 5ක් පමණක් දැවී ජයග්‍රහණය සඳහා අවශ්‍යය වූ ලකුණු 243 පන්දුවාර 45 පන්දු 2කින් ලබාගැනීමට සමත් වුණා.
ඩැරල් මිචෙල් ලකුණු 57, ටොම් ලේතම් ලකුණු 56ක් හා කේන් විලියම්සන් ලකුණු 34ක් ලබාගත්තා. පන්දු යැවීමේදී නසීම් ෂා කඩුලු 2ක් බිඳහෙලුවා.
ඒ අනුව නවසීලන්ත කණ්ඩායම මෙම තුන්කොන් තරගාවලිය අපරාජිතව අවසන් කොට, මීළඟට පකිස්තානයේ පැවැත්වීමට නියමිත ශූරයින්ගේ කුසලානයට සාර්ථක ප්‍රවේශයක් ලබාගැනීමට සමත් වුණා.
