ශ්‍රී ලංකාව හා එංගලන්තය අතර ඊයේ ආරම්භ වූ විස්සයි විස්ස තරගාවලියේ පළමු තරගය ලකුණු 119කින් ජයගැනීමට එංගලන්තය සමත් වුණා. තරගය පැවැත්වුණේ සදම්ප්ටන් හීදී යි.
ශ්‍රී ලංකා ආරාධනයෙන් පළමුවෙන් පන්දුවට පහර දුන් එංගලන්තය දුන් ලකුනු 255 ක ඉලක්කයට, පිළිතුරු ලෙස ශ්‍රී ලංකාව ගොඩනැගීමට සමත්වන්නේ ලකුනු 135 ක ඉනිමක් පමනයි.
එංගලන්තය වෙනුවෙන් නායක හැරී බ්ෲක් සිය දෙවන විස්සයි විස්ස ශතකය වාර්තා කරමින් පන්දු 49කින් නොදැවී ලකුණු 119ක් ලබාගත් අතර ජොස් බට්ලර් ලකුණු 80ක් ලබාගත්තා.
ශ්‍රී ලංකා ඉනිමේ වැඩිම ලකුණු ලබාගත් දුනිත් වෙල්ලාලගේ ලකුණු 33ක් ලබාගත්තා.
එංගලන්තය වෙනුවෙන් නවක ක්‍රීඩක සෝනි බේකර් කඩුලු 3ක් දවාගත්තා.
ඒ අනුව ලකුනු 119 ක දැවැන්ත ජයග්‍රහනයකින් ඔවුන් තරග තුනකින් යුත් විස්සයි 20 තරගාවලිය ආරම්භ කලා.
මේ ජයග්‍රහනය වාර්තා වුනේ ශ්‍රී ලංකාවට එරෙහිව එංගලන්තය ජයගත් 13 වන අඛණ්ඩ T20I ජයග්‍රහනය ලෙසයි.
