ශ්‍රී ලංකාවේ ප්‍රමුඛතම පිහිනුම් ක්‍රීඩකයෙකු වන අකලංක පීරිස් ඔස්ට්‍රේලියානු ජාතික කෙටිදුර පිහිනුම් තරගාවලියේදී විශිෂ්ඨ දක්ෂතා දැක්වීමට සමත්ව තිබෙනවා.
ඔහු මීටර 100 කේවල මිශ්‍ර ආර ඉසව්වෙන් නව ශ්‍රී ලංකා වාර්තාවක් පිහිටුවීම විශේෂත්වක්. ඔහු මෙම වාර්තාව පිහිටුවනු ලැබුවේ තත්පර 55 යි දශම 89 ක කාලයක් වාර්තා කරමින්.
ඔහු මෙහිදී බිද හෙලනු ලැබුවේ මීට පෙර තත්පර 56 යි දශම 49 ක් ලෙස පිහිටුවා තිබූ වාර්තාවයි.
මේ අතර ඔහු මෙම තරගාවලියේදී මීටර 50 පසු පස ආර ඉසව්වෙන් මෙවර තරග සමයේ තම හොදම කාලය වාර්තා කිරීමද විශේෂත්වයක්.
ඔහු ඒම ඉසව්ව නිම කිරීම සදහා ගත කල කාලය තත්පර 24 යි දශම 8 යි 4 ක්. මෙහිදී අකලංක පීරිස් සිව්වැන්නා ලෙස තරගය අවසන් කළ අතර ඔස්ට්‍රේලියානු ජාතික කෙටිදුර පිහිනුම් තරගාවලියේදී අවසන් තරගයනට සුදුසුකම් ලැබූ පළමු ක්‍රීඩකයා වන්නේද ඔහුයි.
මේ අතර 2025 වසරේ ඔස්ට්‍රේලියානු ජාතික කෙටිදුර පිහිනුම් තරගාවලියේදී අවසන් තරගයකට සුදුසුකම් ලැබූ ඒකම ආසියාතික ක්‍රීඩකයා වන්නේද අකලංක පිරීස්.
ඔහු මේ වන විට ඔස්ට්‍රේලියාවේ CQ විශ්ව විද්‍යාලයේ උසස් අධ්‍යාපනය ලබන අතරතුරයි පිහිනුම් ක්‍රීඩාවේ නිරත වන්නේ. ලබන වසරේ පැවැත්වෙන දකුණු ආසියානු, ආසියානු, පොදු රාජ්‍ය මණ්ඩලයීය ක්‍රීඩා උළෙල වලදී මෙන්ම ලෝක ශරතා පිහිනුම් තරගාවලියේදී ශ්‍රී ලංකාන නියෝජනය කරමින් රටට කීර්තියක් අත්කරදීම සදහා අකලංක පීරිස් මේ වන විට පුහුණුවීම් සිදු කරනවා.
මේ අතර 2028 වසරේ ඔලිම්පික් ක්‍රීඩා උළෙලදී ශ්‍රී ලංකාව නියෝජනය කිරීම අකලංක පීරිස්ගේ ඒ්කායන අරමුණයි.
