2026 ආසියානු ක්‍රීඩා උළෙලේ පිරිමි හොකී තරග සඳහා සුදුස්සන් තේරීමේ තරගාවලියේ ශ්‍රී ලංකාව මුහුණ දුන් පළමු තරගයෙන් අද ජය වාර්තා කළා. ඒ, උස්බෙකිස්තානය පරාජය කරමින්.
තරගාවලිය පැවැත්වෙන්නේ, තායිලන්තයේ බැං‍කොක් නුවරදී. ශ්‍රී ලංකාව සහ උස්බෙකිස්තානය අතර තරගය පැවැත්වුණේ, එහි තුන්වැනි තරගය ලෙසයි.
පළමු අර්ධය නිමා වන විට ගෝල 2 ට බින්දුවක් ලෙස ශ්‍රී ලංකාව පෙරමුණේ පසු වුණා. දෙවැනි අර්ධයේදී දෙපිළම ගෝලය බැගින් ලබා ගත්තා.
ඒ අනුව, ශ්‍රී ලංකාව තරගය ජය ගත්තේ, ගෝල 3 ට 1 ක් ලෙසයි.
තරගයේ දක්ෂතම ක්‍රීඩකයා ශ්‍රී ලංකා කණ්ඩායමේ ගෝල රකින ක්‍රීඩක තරිඳු හීන්දෙණිය.
ශ්‍රී ලංකාව සහභාගී වන මීළඟ තරගය හෙට බංග්ලා‍දේශය සමග හෙට පැවැත්වීමට නියමිතයි.
