අධ්‍යාපන අමාත්‍යාංශය විසින් සංවිධානය කරන ලද 40 වැනි සමස්ත ලංකා පාසල් ක්‍රීඩා උළෙලේ පැසිපන්දු තරගාවලියේදී, කොළඹ 10 ශාන්ත ජෝශප් විද්‍යාලය නැවතත් ශ්‍රී ලංකා පාසල් ක්‍රීඩා ඉතිහාසයේ රන් අකුරින් තම නම සටහන් කර ගත්තා.
17න් පහළ සහ 20න් පහළ ද්විත්ව ශූරතා දිනා ගනිමින්, අඛණ්ඩව තෙවන වරටත් (2024, 2025 සහ 2026) ජෝශප් ක්‍රීඩකයෝ සිය විශිෂ්ටත්වය තහවුරු කිරීමට සමත් වුණා.
17න් පහළ කණ්ඩායම අවසන් මහා තරගයේදී ශාන්ත පීතර විද්‍යාලය පරදවා ලකුණු 66 – 29 දැවැන්ත ජයක් ලැබූ අතර 20 න් පහළ කණ්ඩායම අවසන් මහා තරගයේදී මොරටුව වේල්ස් කුමර විද්‍යාලය පරදා ලකුණු 56 – 49ක තියුණු ජයක් වාර්තා කළා.
20න් පහළ කණ්ඩායමේ නායක චමිඳු මධුශාන්ගේ නායකත්වය හා ක්‍රීඩා කෞෂල්‍යය කැපී පෙනුනා.
මෙම අඛණ්ඩ වසර තුනක ද්විත්ව ශූරතා ජයග්‍රහණය හරහා ශාන්ත ජෝශප් විද්‍යාලය ශ්‍රී ලංකා පාසල් පැසිපන්දු ක්‍රීඩාවේ නොමද කිරුළ තවදුරටත් තහවුරු කරගත්තා.
