කැරිබියන් ප්‍රිමියර් ලීග් තරගාවලියේ සෙන්ට් කිට්ස් නෙවිස් පේට්‍රියෝට්ස් හා සෙන්ට් ලුසියා කිංග්ස් කණ්ඩායම් අතර අද පැවති තරගයේදී විශිෂ්ට ශතකයක් ලබාගැනීමට දසුන් ශානක සමත් වුණා.
පළමුවෙන් පන්දුවට පහරදුන් සෙන්ට් කිට්ස් කණ්ඩායම කඩුලු 4ට ලකුණු 235ක් ලබාගැනීමට සමත් වුණා.
එහිදී දසුන් ශානක සිය විස්සයි විස්ස ක්‍රිකට් දිවියේ වැඩිම ලකුණු ප්‍රමාණය ලබාගනිමින් නොදැවී පන්දු 43ට ලකුණු 121ක් ලබාගැනීමට සමත් වුණා.
දසුන් ශානක සිය ශතකය වාර්තා කළේ පන්දු 39කින් වන අතර එය කැරිබියන් ප්‍රිමියර් ලීග් ඉතිහාසයේ වේගවත්ම ශතකය ලෙස වාර්තා පොත් අතරට එකතු වුණා.
දසුන් හට සහය වෙමින් ඇන්ඩෘ ෆ්ලෙචර් ලකුණු 64ක් ලබාගත්තා.
පිලිතුරු ඉනිම ක්‍රීඩා කළ සෙන්ට් ලුසියා කණ්ඩායමට ලබාගැනීමට හැකිවුණේ ලකුණු 98ක් පමණයි.
පන්දු යැවීමේදී සෙන්ට් නෙවිස් කණ්ඩායම වෙනුවෙන් ජෙරමියා ලුවිස් කඩුලු 5ක් දවාගත් අතර වනිඳු හසරංග කඩුලු 2ක් දවාගත්තා.
ඒ අනුව සෙන්ට් කිට්ස් නෙවිස් පේට්‍රියෝට්ස් කණ්ඩායම ලකුණු 137ක ජයක් ලැබීමට සමත් වුණා.
