ශ්‍රී ලංකාව සහ බංග්ලාදේශය අතර පැවැත්වෙන දෙවැනි ටෙස්ට් ක්‍රිකට් තරඟයට නම් කළ ශ්‍රී ලංකා ක්‍රිකට් කණ්ඩායමේ වෙනස්කම් දෙකක් සිදුකර තිබෙනවා.
තරගය ලබන බදාදා කොළඹ ආර්. ප්‍රේමදාස ක්‍රීඩාංගනයේදී ආරම්භවීමට නියමිතයි.
ශ්‍රී ලංකා ක්‍රිකට් ආයතනය තරගයට සහභාගී වන කණ්ඩායම අද ප්‍රකාශයට පත් කළා. ඊට ක්‍රීඩකයින් 18 දෙනෙකු ඇතුළත්.
ටෙස්ට් ක්‍රිකට් පිටියෙන් සමුගත් ඇන්ජලෝ මැතීව්ස් සහ ආබාදයට ලක්වූ වේග පන්දු යවන ක්‍රීඩක මිලාන් රත්නායක දෙවන තරගය සඳහා නම් කළ කණ්ඩායමට ඇතුළත්ව නැහැ.
ඔවුන් වෙනුවට තුන් ඉරියව් ක්‍රීඩක දුනිත් වෙල්ලාලගේ සහ වේගපන්දු යවන ක්‍රීඩක විශ්ව ප්‍රනාන්දු කණ්ඩායමට කැඳවා තිබෙනවා.
තරගයට සහභාගී වන ශ්‍රී ලංකා ක්‍රීඩකයින් අද එස් එස් සී ක්‍රීඩාංගනයේදී පුහුණුවීම් කළා.
මේ අතර, ශ්‍රී ලංකා ක්‍රිකට් ආයතනය අද නිවේදනය කළේ, දෙරට අතර පැවැත්වෙන දෙවැනි ටෙස්ට් ක්‍රිකට් තරගය ප්‍රේක්ෂකයින්ට නොමිලයේ නැර‍ඹීමේ අවස්ථාව හිමිවන බවයි.
තරඟය ලබන බදාදා කොළඹ එස් එස් සී ක්‍රීඩාංගනයේදී ආරම්භ වීමට නියමිතයි.
