විස්සයි විස්ස ලෝක කුසලානයේ අද පැවති ඉතාලිය හා ස්කොට්ලන්තය අතර තරගයෙන් ලකුණු 73ක ජයක් ලැබීමට ස්කොට්ලන්තය සමත් වුණා. තරගය පැවැත්වුණේ කොල්කටා හීදී.
මුලින්ම පන්දුවට පහරදුන් ස්කොට්ලන්තය පන්දුවාර 20 අවසානයේ කඩුලු 4ක් දැවී ලකුණු 207ක් ලබාගත් අතර, මෙවර ලෝක කුසලානයේදී ලකුණු 200 සීමාව පසු කළ පලමු කන්ඩායම බවටද ස්කොට්ලන්තය පත්වුණා.
ස්කොට්ලන්තය වෙනුවෙන් ආරම්භක පිතිකරු ජෝර්ජ් මන්සි පන්දු 54ට ලකුණු 84ක් ලබාගත් අතර බ්‍රැන්ඩන් මැක්මියුලන් පන්දු 18ට නොදැවී ලකුණු 41ක් ලබාගත්තා.
ඉතාලි කණ්ඩායම වෙනුවෙන් අලී හසන්, ග්‍රාන්ට් ස්ටුවර්ට්, තෝමස් ඩ්‍රාකා හා ජේ.ජේ. ස්මට්ස් එක් කඩුල්ල බැගින් දවාගත්තා.
පිළිතුරු ඉනිම ක්‍රීඩා කළ ඉතාලි කණ්ඩායමේ සියලු කඩුලු පන්දුවාර 16.4දී ලකුණු 134ට දැවී ගියා.
ඉතාලිය වෙනුවෙන් බෙන් මැනටි පන්දු 31ට ලකුණු 52ක් ලබාගත් අතර හෙන්රිමැනටි ලකුණු 37ක් ලබාගත්තා.
ස්කොට්ලන්තය වෙනුවෙන් මයිකල් ලීස්ක් ලකුණු 17ට කඩුලු 4ක් හා මාර්ක් වොට් කඩුලු 2ක් දවාගත්තා.
ඒ අනුව ස්කොට්ලන්තය මෙම තරගය ලකුණු 73කින් ජයගත් අතර ප්‍රසාද ලකුණු සටහනේ දෙවන ස්ථානයට පැමිණියා.
තරගයේ වීරයා ලෙස නම් කෙරුණේ මයිකල් ලීස්ක්.
