පාකිස්ථාන කාන්තා කණ්ඩායම සමග පැවිත දෙවැනි එක් දින ක්රිකට් තරගය කඩුලු 8 කින් ජය ගැනීමට ශ්රී ලංකා කාන්තා කණ්ඩායම අද සමත් වුණා.
මෙහිදී විශ්මි ගුණරත්න සහ හර්ෂිතා සමරවික්රම කාන්තා එක් දින ක්රිකට් ඉතිහාසයේ ශ්රී ලංකා ක්රීඩිකාවන් දෙදෙනකු දෙවැනි කඩුල්ල සඳහා වාර්තා කළ ඉහළම ලකුණු සබඳතාවේ වාර්තාව තමන් සතු කර ගත්තා.
තරග තුනකින් සමන්විත එක් දින ක්රිකට් තරගාවලියේ දෙවැනි තරගය අද පැවැත්වුණේ, සූරියවැව ජාත්යන්තර ක්රිකට් ක්රීඩාංගණයේදී.
පළමුවෙන් පන්දුවට පහර දුන් පාකිස්ථාන කාන්තා කණ්ඩායම පන්දුවාර 50 ඇතුළත කඩුලු 5 ක් දැවී ලකුණු 273 ක් රැස් කළා. සිඩ්රා අමීන් ලකුණු 100 යි.
තරගය ජය ගැනීමට ලකුණු 274 ක ඉලක්කයක් සමග ශ්රී ලංකා ඉනිම ආරම්භ කළේ, විශ්මි ගුණරත්න සහ නායිකා චමරි අතපත්තු. චමරි එක් ලකුණකට දැවී යන විට ශ්රී ලංකා ලකුණු පුවරුව 20 ක් ලෙස සටහන් වුණා.
අනතුරුව විශ්මි ගුණරත්න සහ හර්ෂිතා සමරවික්රම එක්ව දෙවැනි කඩුල්ලට ගොඩනැගූ සබදතාව ලකුණු 203 ක්. එය, ශ්රී ලංකා ක්රීඩිකාවන් දෙදෙනෙකු දෙවැනි කඩුල්ල සඳහා එක් දින තරගයක ගොඩනැගූ ඉහළම ලකුණු සබඳතාවයි.
විශ්මි ගුණරත්න අද වාර්තා කළේ, තම එක් දින ක්රිකට් දිවියේ දෙවැනි ශතකය. ඇය ලකුණු 123 ක් රැස් කළා. හර්ෂිතා සමරවික්රම ලකුණු 100 යි. ශ්රී ලංකා කාන්තා කණ්ඩායම තරගය ජය ගත්තේ පන්දුවාර 46 යි පන්දු 5 කදී කඩුලු 2 ක් දැවී ලකුණු 275 ක් රැස් කරමින්.
