ලංකා ප්‍රිමියර් ලීග් 20/20 ක්‍රිකට් තරගාවලියේ ශූරතාව හිමිකර ගැනීමට ගෝල් ගැලන්ට්ස් කණ්ඩායම සමත් වුණා. ඒ අද පැවති අවසන් තරගයේදී ජැෆ්නා කිංග්ස් කණ්ඩායම පරාජය කරමින්.
අවසන් තරගය පැවැත්වුණේ කොළඹ ආර් ප්‍රේමදාස ක්‍රීඩාංගණයේදී.
කාසියේ වාසිය දිනූ ජැෆ්නා කිංග්ස් කණ්ඩායම පළමුවෙන් පන්දුවට පහර දීමට තීරණය කළා.
ඒ අනුව ඔවුන් පන්දුවාර 19.3 කදී සියලු ක්‍රීඩකයින් දැවී රැස්කළ ලකුණු සංඛ්‍යාව 123 ක්. කමිල් මිශාර ලකුණු 41 යි.
පන්දු යැවීමේදී චරිත් අසලංක සහ ඉෂාන් මාලිංග කඩුලු තුන බැගින් දවා ගත්තා.
පිළිතුරු ලෙස ගෝල් ගැලන්ට්ස් කණ්ඩායම තරගය ජය ගත්තේ පන්දුවාර 15.5 කදී කඩුලු පහක් දැවී ලකුණු 126 ක් රැස් කරමින්.
තෝමස් රොජර්ස් ලකුණු 34 ක් රැස්කළ අතර දිනුර කළුපහන ලකුණු 31 යි.
පන්දු යැවීමේදී ට්‍රේවින් මැතිව් සහ ශකීබ් අල් හසන් කඩුලු 2 බැහින් දවා ගත්තා.
