ඉන්දීය කණ්ඩායමේ ශ්රී ලංකා සංචාරය වෙනුවෙන් පැවැත්වූ තුන්දින පුහුණු තරගය ඊයේ අවසන් වුණා. එම තරගය කඩුලු 6කින් ජයගැනීමට සමත් වුණේ ඉන්දීය කණ්ඩායමයි.
පළමුව පන්දුවට පහරදුන් සොනාල් දිනූෂගේ නායකත්වයෙන් යුත් ශ්රී ලංකා XI කණ්ඩායම සිය පළමු ඉනිම වෙනුවෙන් කඩුලු 8ට ලකුණු 363ක් ලබා සිටියදී ඉනිම අත්හිටවූවා.
ශ්රී ලංකා XI පළමු ඉනිම වෙනුවෙන් රවිඳු රසන්ත ලකුණු 71ක්, නිෂාන් ප්රනාන්දු ලකුණු 66ක් හා සොනාල් දිනූෂ ලකුණු 52ක් ලබාගත්තා.
පන්දු යැවීමේදී රවීන්ද්ර ජඩේජා, කුල්දීප් යාදව් හා මානව් සුතාර් කඩුලු 2 බැගින් දවාගත්තා.
ඉන්දීය කණ්ඩායම සිය පළමු ඉනිම වෙනුවෙන් කඩුලු 6ට ලකුණු 357ක් ලබාගෙන ඉනිම අත්හිටවනු ලැබුවා. එහිදී දෙව්දත් පඩික්කල් නොදැවී ලකුණු 142ක් ලබාගත් අතර රවීන්ද්ර ජඩේජා ලකුණු 63ක් ලබාගත්තා.
පන්දු යැවීමේදී ශ්රී ලංකා XI වෙනුවෙන් රමේෂ් මෙන්ඩිස් හා අසංක මනෝජ් කඩුලු 2 බැගින් දවාගත්තා.
දෙවනි ඉනිම වෙනුවෙන් ශ්රී ලංකා XI කණ්ඩායම කඩුලු 6ට ලකුණු 200ක් ලබා ඉනිම නතර කළ අතර නිෂාන් ප්රනාන්දු ලකුණු 63ක් හා නිපුන් ධනන්ජය ලකුණු 46ක් ලබාගත්තා.
ඉන්දීය කණ්ඩායම දෙවනි ඉනිම සඳහා කඩුලු 4ට ලකුණු 214ක් ලබා තරගය ජයගැනිමට සමත් වුණා. ඉන්දියාව වෙනුවෙන් යසස්වී ජෛස්වාල් ලකුණු 61ක් හා ශුබ්මාන් ගිල් ලකුණු 44ක් ලබාගත් අතර ශ්රි ලංකා XI කණ්ඩායම වෙනුවෙන් කේෂර නුවන්ත කඩුලු 2ක් දවාගත්තා.
ඒ අනුව ඉන්දීය කණ්ඩායම මෙම තුන්දින තරගය කඩුලු 6කින් ජයගත් අතර ශ්රී ලංකා කණ්ඩායම හා ඉන්දීය කණ්ඩායම අතර නිල ටෙස්ට් තරගාවලිය එළඹෙන 15 වෙනිදා ගාල්ලේදී ආරම්භවීමට නියමිතයි.
